Divê em jî wisa bikin :- kovara Welat – hejmara 30an

Aras Yûsiv.

Dema ku kovarek bi rengekî veşartî û dizî were çapkirin helbet hin mercên taybet hene ku divê weşanên wê têre derbas bibin da ku karibe bedewamiyê bide xwe û weşana xwe,nemaze di rewşne wek a ku çanda kurdî li rojavayê kurdistanê têre derbas dibû  ji binpêkirineke bê mînak wek ya rêjîma Beis a ku şerê elfebeya kurdî û çi kesê bi wê  dinivîsand,dikir.

Tevî wan mercên dijwar,di nav her nifşekî kurdî de li  rojavayê kurdistanê hin kesên pêşeng hebûn ku xwe dikirin qurbanî bo çanda kurdî zindî bimîne û wan bac û buhayên giran ji ber vê yekê danîn ta ku karîbûn pirekê ji çanda kurdî re ava bikin ku ji nifşê berî wan bighêje yê paş wan.

Îro gelek ji mercên dijwar ên ku ev çand têre derbas bûbû,bi dawî hatin,lê em neghaştine wê radeya  em karîbin bêjin ku zehmetî nemane,ji ber zehmetî hîn hene û divê bi hurgulî li ser wan were sekinandin ta ku eger ne hemû bû jî,lê beşekî mezin ji wan werin çareserkirin.

Çi kesê nivîskar an ku ji nivîsandinê jiyan dike li piraniya welatan ji dunyayê nikare binivîsîne ne ku nivîsandin tiştekî bide wî ku karîbe jê jiyan bike û bi rehetî berhemên xwe amade bike,ji xwe ku ev merc pêk neyê îdî berdewamiya vî kesî di warê nivîsaninê dimîne tiştekî zehmet ji ber jiyanek heye û divê berdewam bike û bê jêdereke aborî çênabe.

Aniha li rojavayê kurdistanê hin sazî hene tevî rewşên dijwar ku piraniya bajaran têre derbas dibin,dikarîbûn berdewan bin û rojname,kovar,an

weşanên  xwe bê rawestandin biweşînin,ji xwe ji nav van saziyan hinekan dikarîbûn li ser girêdana nivîsanin bi aboriyê bisekinin û nas bikin ku dema girêdana herdû aliyan bi hev hatiye,ji ber kesê nivîskar dimîne mirovek,jiyaneke wî heye û divê karibe bi barên wê rab e.

Tê xwestin hîn û bi rengekî mezintir ku qonaxek nû ji piştgiriya çanda kurdî re were avakirin û were naskirin ku ji mafê nivîskarê kurd e li rojavayê kurdistanê wek her nivîskarekî li dunayê ku ew jî berambereke aborî ji ber karê xwe werbigire ji ber nivîsandin bi xwe kareke û jêdereke ku mirov jê bijî.

2

Related Posts

Comments are closed.