Pênûs û Pirtûk-3 (CegerBirîn Kîkî) ( hejmara 4an ji kovara Welat )

Ciwanê ABDAL

Ez dikarim bi zimanekî xurt bêjim ku, pir helbestvan hene helbesta nûjen li hirêma me Kurdan (li Sûrî) dinvîsin, lê kêmin yê helbesteke nûjen dinvîsin û bala mere dikşîne bi afirandina xwe, yek ji wan navdaran CegerBirîn bi xwe ye.. Lê mere dikare navê sê-çar kesên din jî bêje, mîna Dildarê Aştî û Rizoyê Xerzî,Tengezar, Nezîr Palo hwd, ji nifşên salên notiyan û vir de.
Neyse, ne ev babeta me ye, me naverok divê, ku helbesta nûjen bi mijara xwe, bi wate, wêne, lihevhatin û berhevokên xwe nûjen be û ji kevalên jiyanê bin, hest û giyan têr bike.
Pirtûka helbestvan bi navê: (Sîmfonêyek Evînî Liber Çirayên Gundê Me -1998). bi rastî ev nav-nîşan dirêje nizanim çima? Ji ber merov vê nîşanê datîne ji bo li ser ziman sivik be, navê dirêj nay gotin, mere kurt dike ji xwe re û dibêje weke mînak: (Sîmfoniya Çirayên Gund) an (Sîmfoniya Evînî). pirtûk bi xwe ji 63 rûpelan pêk tê, û ji 44 perçe helbest, helbestin kin û tije wêne û bîber, û her helbestek şêwê çîrokî jî tê heye. wê dixemilîne bi rêzkêşiyên hevokan. tevî ku helbesta serbest û helbesta pexşane ew jêre navê.
Belê weke bûye her carê ku nivîskar pirtûka xwe diyarî dike, wiha jî CegerBirîn pirtûka xwe diyarî dike: Bo evîndarê azadiyê, dengbêjê merovatiyê yê Kurd û cîhanê (Şivan PERWER). û di têbniyê de dibêje, weke vexwedina Osman Sebrî: (ronahiya di çavên xortên Kurd de, hêviyek mezin dide ku xwendin û nivîsandina zimanê xwe baş hîn bibe, ya me ji wendabûnê biparêze, hînbûna zarê şêrîn)rp3. bi kurtî min anî.
Tiştê balkêş ew e ku CegerBirîn pir razên Zerdeştiyan tîne naveroka helbestên xwe, ji misloca pîroz: Zende Avîsta, mînak: Îreman, Ahromisda, Kobîdon, Ariyan Wîc, Birat Farkiş, Arde Wêraf, Ferafaşî, Hadoxit Nask û Pira Cinêfat..hwd. tevî navê Sîmfoniyê navê xwedî tîne ziman dibêje: (Bîranînên rojan -mîna sîmfoniya Bîthovin- çavan dixe girî) rpl4.
Wêneyên helbestan bi mînak û matî têrin, mîna :
-Li şûna xwe hişt/ewrekî tije girî rpl 6.
– Ji wê demê şev kete raza/ û şopa lingê Kobîdon bûn stêr.rpl 24
– Çima çav û bêdengiya te/ bi tirs û pirse/ di vê bîstikê de ji te hezdikim/ û didim te dev û lêv.rpl 37.
– Ne tirsonekim/ ne dil kevirim/ tu dizane ger ne ez bim/ tukes li ber pirsên di çavên tede xwe nagire.rpl 44
Di dawî de emê vê perçe helbest diyarî we bikin:
Raman
Berî salan
Berî babilîskan..
Raman xwedanek bû
Ta bû merovek
Ta û ta bû bi hevketinek
û bi hevketinê bû du bend
Du bendên bi pêwend
(Ahremiza) û (Ahrîman..!). rpl 17.

Related Posts

Comments are closed.